Car el mè Don Lisander… “VIA MORON”

Car el mè Don Lisander ! Scior Manzon,

che in l’Arno, te see andaa a resentà i pàgn,

per scriv el tò Romanz, e vègh reson,

de chi el gh’aveva el  Dante, sora i scràgn…

 

Ghe passi arént e vàrdi la toa cà,

me son ferma a vesin indo e gh’è el: ” Boeùcc”

Che incoeu, la gent, sà no, ‘me pronuncià,

le ciàmen :  ” bòcc…” e, a mi, me piang i oeùcc…

 

Mì son on discendent de quel tal : ” Gròss”,

che t’ hee ospitaa, in ca’ toa , per dersètt ann,

che l’ha scrivuu, in de tì, senza repòss,

romanz, poèmm, poesii,  per tutt Milàn…

 

E adèss, chì, in la toa cà, de Via Moron,

ritorni indree, in  del temp, in del Vòttcent,

a pensà al Cinq de Magg… Napoleon…

al Renzo, a la Lucia e al tò talént…

 

A Lècch, a  Pescarènich, a l’Agnés…

A la pèst, ai Monàtt. a Don Rodrigh,

Al Griso, ai Bravi,  e a tùcc i  Milanés

che hann leggiuu, el tò Romanz, cont i sò  intrìgh…

 

Guardi i montagn, sfrisaa dai bèj tramont,

la Grigna, la Grignètta, el Resegon,

contempli el Lagh, carèzzi l’orizont

e nàss, in del mè coeùr, ona canzon..

 

Però… el coràgg de scriv, come i Poètta,

mi ghe l’hoo no, perchè: se la Modestia,

la vàr anmo’ on quajcòss… che el me permètta…

Ghe ‘l dìsi: ” sbottasciaa ” … se no, voo in bèstia…

 

A légg che adèss, in del Domilla e vùndes,

(Madòna e SantAmbroeùs!!!)…Dopo tanti ann,

on Sindich (che el dovaria andà domà a nascondes…)

El costruìss:  Moschee…  per tùtt Milàn…

 

Tucc i  Antigh Milanès hinn indignaa…

Ma  anca nùmm,  Meneghìn,  sèmm di salàmm…

A lassà,  chi gh’ha i Ciàv de la Città,

pastrugnà ( cuu e camìsa…) cont l’Islàm…

 

Sperèmm de no svegliàss, ona  mattina,

con la sorpresa che hann già preparaa:

“Tràgiò dal Dòmm, la nostra  Madonina,

E mètt la Mezzalunna… in  Nòmm de Allah…”.

 

E al pòst di bèj campànn, sonaa,  in la Gèsa,

la ” simpatica “vos d’on Muezzìin,

in su  la guglia pussee alta, Milanesa,

che, vèrs La Mecca, ingenoeùggia i Meneghìn…

 

Claudio Grossi Facebook